Friday, March 1, 2013

නිවැරදි තෝරාගැනීමක්.....

මේ පෝස්ටුව හරහා මම අද ලියන්න යන්නේ...ඉතා විශේෂ වූ වාහනයක් ගැන...
වාහනයක් කිව්වට මේක වාහනයක් ම නෙවෙයි...
නමුත්..භාවිත කරන්න සිදු වුනොත්....මේ මගින් වාහනයකින් කෙරෙන සේවයත් කෙනෙකුට ලබා දෙනවා...
නමුත්...මේ විදියේ වාහනයක් භාවිතා කරන්නට කිසිවෙකුට නොලැබේවා කියලයි මම නම් හැම දාම පතන්නේ...
නමුත්..අපි දන්නා කාට හරි..ඕන වුනොත්...සිද්ද වුනොත්...භාවිත කරන්න...අපි මේ සම්බන්ධව දැනුවත් වී සිටීම ඉතා වැදගත් කියලා මම හිතනවා...

වෘත්තීය චිකිත්සක නිලධාරියකු ලෙස..මම දන්නා දැනුම මේ හරහා...ලියා තබන්නම්....(මේ සඳහා චායාරූප ගත්තේ...ගූගල් හරහා...)

මේ තියෙන්නේ..මම කියන්නට යන විශේෂ වාහනයයි...
රෝද පුටුව...



අපිට..අපේ පවුලේ කෙනෙකුට ...එහෙමත් නැත්නම් දන්නා අසල්වාසියෙකුට...එහෙමත් නැත්නම්...නොදන්නා..කාට හෝ ...මෙය භාවිත කිරීමට කවදා හෝ සිදු වෙන්න බැරි නැහැ...
එම නිසා...මේ උපාංගය ගැන..වගේම.. ඒ සම්බන්ධව දැනගත යුතු විශේෂ කරුණු රාශියක් තියනවා...නිවැරදි කරුණු දන නොගෙන...වැරදි උපකරණයක් භාවිත කිරීම තුලින් ...විය හැකි හානි සහ..සංකුලතා බොහොමයි..

මේ ඒ වෙනුවෙන්..දැනුවත් වීම සඳහා..කරනු ලබන සරල පැහැදිලි කිරීමක් පමණයි...
යම් කෙනෙකුට රෝද පුටුවක් තාවකාලික ව හෝ සදාකාලිකව භාවිතා කරන්නට සිදු වෙන්න පුළුවන්.
තාවකාලිකව ඇති වන අස්ථි බිඳීමකදී...එහෙමත් නැත්නම් යම් යම් රෝගාබාධ වලදී...තාවකාලිකව රෝදපුටුවක් භාවිතා කරන්නට කෙනෙකුට සිදු වෙන්න පුළුවනි.
ඒ වගේම තමයි...සුෂුම්නා ආබාධ වගේ දීර්ඝ කාලීන..සදාකාලික ආබාධ වලදී ...අදාළ කෙනාට එතනින් එහා ජීවිතයම රෝදපුටුව සමග ගත කරන්නට සිදු වෙනවා...
මේ කොයි අවධියේදී වුනත්...අපිට නිවැරදි තේරීමක් නැති වුවොත් ...ඉන් ඇති වෙන අනිසි ප්‍රතිඵල එමටයි...

අපි දන්නා පරිදි..කෙනෙකුට රෝද පුටුවක් අවශ්‍ය වන්නේ...ඇවිදීමට බැරි වුනාම...
මේ වගේ වෙලාවට බොහෝ දෙනෙක් කරන්නේ..කාගේ හරි ළඟ තියන රෝද පුටුවක් ඉල්ලා ගන්න ඒක තමයි...බොහෝ  විට..
නමුත්...සදාකාලිකවම රෝද පුටුවක් භාවිත කරන්නට වුනොත්...ඒක තමන්ටම මිලදී ගන්න වෙනවා...මේ අවස්තාවලදීත් බොහෝ දෙනා කරන්නේ...රෝද පුටු විකුණන තැනකට ගිහින් අතේ ඇති මුදලයි..එතන නියෝජිතයා ගේ අදහසයි..සේරම බලලා...රෝද පුටුවක් ගන්න එක..

නමුත්..මෙය 100% නිවැරදි වන්නේ නැහැ...එම නිසා පසුව වෙන්න තියන අතුරු ප්‍රශ්න එමටයි...
1.මුත්‍රා සහ මලපහ වීමේ පද්ධති වල ඇති විය හැකි සංකුලතා..
2.කොන්දේ කශේරුකා පද්දතියේ ඇද වීම්
3.වණයන් ඇති වීම..(ඇඳ තුවාල හා සමානව..pressure sores)
ආදී දේවල් වෙන්න පුළුවන්.

ඒ නිසා රෝද පුටුවක් හැම විටම තමන්ට අනන්‍ය විය යුතුයි...කියලා අපි..වෘත්තීය චිකිත්සකයන් ලෙස ..හැමවිටම පවසනවා...

රෝද පුටු ගත්තම...වර්ග බොහොමයක් තියනවා...පහත තිබෙන්නේ ඒ සමහරක්...

1. සාමාන්‍ය රෝද පුටුවක්.


මෙහි අත් ඇඳි,පා රඳවන fix විදියටයි තියෙන්නේ..ගලවන්න,වෙනස් කරන්න බැහැ..මෙය..ඒ තරම් සුදුසු එකක් ලෙස අපි නිර්දේශ කරන්නේ නැහැ..නමුත් බොහෝ දෙනා ගන්නේ මේකයි..
මෙහි අවාසි තත්ත්ව නම්...රෝගියාට ස්වාධීනව..මෙය හසුරවා ගැනීමේ අපහසුතාව...ඒ වගේම නිවැසියන් හෝ රෝගියා බලාගන්න කෙනාට මින් එලියට රෝගියා ගැනීමේදී වන අපහසුතාවයන්...ආදියයි..

2.අත් ඇඳි ,පා ආධාරක ගලවා ..අවශ්‍ය පරිදි වෙනස් කල හැකි පුටුවක්..


මේ රෝද පුටුව තමයි..බොහෝ විට අපි කෙනෙකුට නිර්දේශ කරන්නේ..මෙහි අත් සහ පා රඳවන ගලවා ..අවශ්‍ය පරිදි සවි කල හැකි නිසා...ඉහත පුටුවේදී කිව්ව ගැටළු ඇති වන්නේ නැහැ...සමහර පුටු වල පා ආධාරකය ඔසවා දෙපා ඔසවා තිබෙන සේ තබා ගන්නත් පුළුවනි...

3.කුඩා ළමුන් සඳහා රෝද පුටු


මේවත් වර්ග බොහොමයක් තියනවා..දරුවෙකුට වැඩිහිටියෙකුට වඩා ස්ථාවර ව ශරීරය තබාගන්න උදව් අවශ්‍ය නිසා..පටි ආධාරක මෙහිදී වැඩිපුර සපයනවා..

ඒ වගේම ...රෝද පුටුවකට වඩා..ආබාධ සහිත කුඩා දරුවන්ට සුදුසු..විශේෂ ආසනයක් දැන් ලංකාවෙත් නිපදවනවා...
ඒ මෙන්න මේ වගේ එකක්...මෙයට කියන්නේ special seat කියලා..


4.sports wheel chair (ක්‍රීඩා සඳහා)

මෙහි ඇති වෙනස පින්තුරයෙන් බලා ගත හැකියි..රෝද වල ආනත භාවය වැඩි කිරීමෙන් වැඩි වේගයක් ලබා දෙනවා..







5.වැසිකිලි පහසුකම සහිත..commode wheel chair

එහා මෙහා කිරීමට අපහසු රෝගීන් සඳහා මෙම රෝද පුටුව වඩා සුදුසුයි...අකුලන පහසුකමද සහිතයි..


6. සමහර රෝද පුටු වල දියුණු තාක්ෂනය මත ඒ ආධාර කොට ගෙන සිටගන්න ඉරියව්වටද පැමිණිය හැකියි..
නමුත් මේවා ඉතා මිල අධිකයි..ඒ වගේම battery ආධාරයෙන් ගමන් කරවිය හැකි රෝද පුටුත් තියනවා...මේවායේ අතින් රෝද  කරකැවීමක් අවශ්‍ය වෙන්නේ නැහැ...


7.සමහර රෝගීන් සිය ආර්ථික තත්වය මත මූලිකවම අවශ්‍යතාවය පමණක් සපිරෙන සේ මෙබඳු රෝද පුටුද භාවිතා කරනවා..නමුත් සමබර තාවය..කල්පැවැත්ම ආදිය ගැන සහතික වෙන්න අමාරුයි...



රෝද පුටුවක් තමන්ටම ලබා ගැනීමේදී...ඒ සඳහා අවශ්‍ය මුලික මිමි ලබාගෙන නිවැරදි නිර්දේශයක් කරවා ගන්න ඕන..මෙයට ඔබට සහය විය හැක්කේ...වෘත්තීය චිකිත්සක නිලධාරියෙකුටයි..
ඔබ එවන් කෙනෙකු වෙතින් උපදස් පැතුවොත්..ඔබට අවශ්‍ය නිවැරදි මිමි ලබා දී...නිර්දේශය මෙන්ම ..රෝද පුටු භාවිතයේ මුලික(basic) සහ සංකීර්න (advanced) කුසලතා පවා පුහුණු කරන්නට ඔවුන් ඉදිරිපත් වෙනවා...ඒ වගේම රෝද පුටුවක් භාවිත කරන කොට...ඒ හා සම්බන්ධ බොහෝ කරුණු භාවිත කරන්නා දැනගත යුතුයි...තමන්ගේ ශරීරය සමබරව තබා ගන්නේ කෙසේද..පීඩන තත්ත්ව පාලනය කරන්නේ කෙසේද..ආදිය..මේ ගැනත් වෘත්තීය චිකිත්සක අංශයකදී ඔබට මනා දැනුමක් ලබාදදෙනවා...

එවන් නිවැරදි මිම්මකට ලබා ගන්න රෝද පුටුවෙන් ඔබට කලින් කී සංකුලතා ඇතිවන්නේත් නැහැ..

අනිත් දේ තමයි...බොහෝ දෙනා රෝද පුටුවක් ගත්තට..එයට cushion  එකක් අවශ්‍ය බව සිතන්නේ නැහැ...seat එකට නිවැරදි cushion එකක් භාවිතය අත්‍යවශ්‍යයි...

රෝද පුටුවක් භාවිත කරන්නන්ට...මුහුණ දෙන ගැටළු එමටයි..අපේ රටේ අද නම් බොහෝ තැන් වල ප්‍රවේශ පහසුකම් දැන් ඒ සඳහා ලබා දී තිබුනත්...හැම තැනම නම් එහෙම නැහැ...ප්‍රවේශ පහසුකම් වුනත් ආවට ගියාවට යොදන්න බැහැ..අන්තර්ජාතික ප්‍රමිතීන්ට අනුවයි මේ වගේ ramp එකක් (ආනත තලයක්) වුවත් යෙදිය යුතු වන්නේ..






ඉතින් රෝද පුටුවක් ගැන ..භාවිතය ගැන...ඒ වගේම..ඒ සම්බන්ධව..දැනුවත් විය යුතු යම් යම් දේ මම ලිව්වා...වැඩි දුර දැනගන්න උවමනා නම්...කොමෙන්ට් එකක් දාන්න...විස්තර සපයන්නම්...

ලංකාවේ බොහෝ රෝහල් වල සිටින වෘත්තීය චිකිත්සක නිලධාරීන් ඔබගේ මේ ගැටළු වලට පිළිතුරු දෙන්න සුදානම්....



15 comments:

  1. රෝද පුටු ගැන තියනවනේ සෑහෙන්න විස්තර. අර ආනතව රෝද තියන ඒවා ආබාධිතයින් රෝද පුටු මත හිඳ කරන තරංග වලදී පාවිච්චි කරනවා මං දැකල තියනවා. එහෙම ගන්නේ වේගය අවශ්‍ය නිසා වෙන්න ඇති.

    ආබාධිත අයට ප්‍රවේශ පහසුකම් (ආනත තලයක්) ඇති කිරීම අනිවාර්යය නැද්ද නීතියෙන්..? ගොඩනැගිලි හදන කොට එහෙම කරන්න ඕන කියල නැද්ද.. සමහර රටවල නම් එහෙම තියනවා කියල මං අහල තියනවා.

    ReplyDelete
  2. ඔව් චන්දන, දැන් ලංකාවෙත් එහෙම නීතියක් ස්ථාපිත වෙලා තියනවා..ඒත් කොයි තරම් දුරට ප්‍රමිතිය සහ නීති ක්‍රියාත්මක වීම සිදු වෙනවද කියන්න නම් අමාරුයි..


    විශේෂයෙන්ම ..අද අපේ රටේ අබාධිතයෙකුට තමන්ගේ රෝද පුටුව සමග නැගල යන්න පුළුවන් වාහනයක් තියද..පොදු වාහන...නැහැ නේ...

    ReplyDelete
  3. අගනාම විස්තර සහිත ඉතාම වටින අඩවියක්නේ මේ.. සතුටුයි දැන ගන්න ලැබුන එක ගැන. එන්නම් දිගටම.

    ReplyDelete
    Replies
    1. ස්තුතියි නලීන් අයියා...ඔබ ගේ පැමිණීම ගවුරවයක් මට...

      Delete
    2. මට රොද පුටුවක් ගන්න ඔන ඉලක්ට්කල් රොද පුටුවක් ඔනේ 0778212522

      Delete
    3. මට රොද පුටුවක් ගන්න ඔන ඉලක්ට්කල් රොද පුටුවක් ඔනේ 0778212522

      Delete
    4. මට රොද පුටුවක් ගන්න ඔන ඉලක්ට්කල් රොද පුටුවක් ඔනේ 0778212522

      Delete
  4. ඉතාම වැදගත් ලිපියක් කළු සුදු....
    දිගටම ලියන්න මෙවැනි ලිපි...
    ගොඩක් වටිනවා මේ දේවල් සිංහලෙන්
    එකතු වීම ...

    ReplyDelete
  5. ස්තුතියි සහන්...ඔයාලගේ කොමෙන්ට් මත ලියන්න දිරියක් එනවා,,

    ReplyDelete
  6. පොඩි ලමයින්ගෙ ඉලෙක්ට්‍රික් පුටුවෙ විස්තර දන්වන්න පුලුවන්ද.0770303607

    ReplyDelete
  7. අපිට අවු 13ක දරුවකුට රෝද පුටුවක් ගන්න අවශයි.විස්තර දෙන්න.මිල ගනන් සමග.0723617033

    ReplyDelete
  8. බොහොම ස්තුතියි දැනුවත් කලාට

    ReplyDelete
  9. මට රෝදපුටුවක් ගන්න ඕනේ වැසිකිලි පහසුකම සහිත කීයක් වෙනවද එයින් එකක්

    ReplyDelete
  10. වැසිකිළි පහසුකම් ඇති රෝද පුටුවක් ඉතා ඉක්මනින් ගන්න අවශ්‍යයි . තුනටිය කැක්කුමක් නිසා ඇවිදීමට අපහසු මගේ මවට .ගෙදරට ගෙන්වා ගත හැකිනම් ,ලබා ගත හැකි විස්වාසවන්ත ආයතනයක් සදහන් කරන්න පුලුවන්ද ?

    ReplyDelete
  11. මට විදුලි රෝදපුටුවක් අවසව ඇත
    විස්තර දන්වන්න...
    අපි කොහෙටද එය ලබාගන්න යන්නේ ...ඉස්තුති .

    ReplyDelete

පුංචි හරි අදහසක් දක්වලා යන්න